കഞ്ഞി വെച്ചു കളിക്കുമ്പോള്
കുഞ്ഞു പെങ്ങള് ചൊല്ലി
ഞാനമ്മയല്ല ,എനിക്കമ്മയാകേണ്ട
അമ്മയായാല് അമ്മിഞ്ഞ കൊടുക്കേണം
കുടിക്കാനൊക്കില്ല .
വെക്കലും വിളമ്പലും
വിളറി വെളുക്കലും.
തുറുകണ്ണും നീളും നാക്കും
തുറങ്കലിത്.
തുറസ്സിലൊന്നിറങ്ങാന് പോലും..........
ഹോ ..വേണ്ട വേണ്ട
എനിക്കമ്മയാകേണ്ട
ജീവിതത്തിന്റെ നാള്വഴിയിതു കുഞ്ഞേ
ജീവന് നീളും വഴിയും
അതുവഴികടന്നുപോകുമൊരു
മുത്തശ്ശി ചൊല്ലുന്നു
പൊരുളറിയും ചെറുചിരിയോടെ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ